Qurani-Kərimin elmi möcüzələri silsiləsindən
Psixoloji solğunluq və stressli xəstələrdə Quranın səs və avazının təsiri
Bu gün, dünyada solğunluq, stress və iztirab kimi əsəb problemləri, psixoloji xəstəliklərin ən çox yayılan qismindəndir. Bu xəstəlik, insanın psixoloji sağlamlığını təhdid edən mühüm amillərdən birinə çevrilmişdir. Araşdırmalar göstərir ki, dünyada yüz milyondan çox insan bu problemdən əziyyət çəkir.
Hal-hazırda, Amerikada 18-74 yaş arası cəmiyyətin 53%-i bu şəkildə psixoloji çətinliklə üzləşmişdir.
Onların 23% neroloji xəstəxanalarda, 30% -i isə başqa xəstəxanalarda müalicə olunurlar.
Bu xəstəliyə, qadınlarda kişilərdən iki dəfə artıq rast gəlinir.
Braun və Lempanın (qərb alimləri) birgə araşdırmasının nəticəsi göstərir ki, Amerikada 1996-cı ildə iyirmi üç milyon nəfər, yəni, hər dörd nəfərdən biri bu xəstəliyə tutulmuşdur. 1990-cı ilin statik məlumatına görə, bu xəstələrin müalicəsi üçün 46,6.000.000 dollar pul xərclənmişdir. Onların 75%-ni qadınlar təşkil etmişdir. Bu günə kimi, belə xəstəlikləri yalnız dərmanların köməyi ilə müalicə edirdilər. Amma son zamanlarda, araşdırmalar göstərdi ki, bu növ xəstəlikləri musiqi vasitəsi ilə də müalicə etmək olar. Quranın səs və avazında bir növ musiqi ritmi olduğundan, onu da müalicə üslubuna daxil etdilər. Bir müddətdən sonra isə, məlum oldu ki, Quranın səs və avazı bu cür psixoloji xəstəlikləri müalicə etmək üçün daha təsir edicidir. Əlbəttə, bu da, Qurani-Kərimin elmi möcüzələrindən birinə işarədir. Bu haqda, bir neçə ayə və hədislərə nəzər salamaq kifayətdir.
Allah-Taalanın müqəddəs kitabı olan Quranda belə buyurulur: “Biz Quranda möminlər üçün şəfa və mərhəmət olan ayələr nazil edirik.”
Quranında özünə məxsus şəfa və rəhməti var, əlbəttə, bundan o kəslər bəhrələnirlər ki, Quranı ruh və canlarında, yaşatsınlar. Məhəmməd peyğəmbər (s) buyurur: “Hər kəs dərdinin dərmanını Qurandan almaya, Allah ona şəfa verməz.” İmam Əli (ə) buyurur: “Bütün dərdlərin dərmanı Quranda vardır.
And olsun Peyğəmbəri seçənə və onun pak ailəsini əziz tutana, yanmağın, qərq olmağın, oğrunun, yiyəsindən qaçan heyvanın, itkisi olanın, ağasından qaçan qulun və bütün şeylərin dərmanı Qurandadır. Məndən soruşun sizlərə Qurandan cavab verim.” İmam Sadiq (ə) buyurur: “Quran Allahın bəndələrinə tərəf göndərdiyi əhd və peyman-naməsidir. Hər bir müsəlmana lazımdır ki, bu əhdnaməyə baxa və gündə 50 ayə ondan oxuya.” İmam Əli (ə) buyurur: “Hər kimin bir şeydən qorxusu olsa, Quranın açıb hər bir yerindən yüz ayə oxusa və sonra üç dəfə desə: Allah bu bəlanı məndən uzaq elə! Onun qorxusu aradan gedər.”
Quranın səs və avazının təsirləri haqda bir neçə elmi araşdırma
1. İslam tədqiqatçılarından biri belə yazır: Əgər biz Quran oxumasaq, gələcəkdə bizlərə bəla nazil olacaq. Çünki Quran buyurur: Hər kəs Allahı yad etməsə şeytan onunla birlikdə olar.
2.Təcrübə sabit etmişdir ki, hətta ən ağır xəstələrə belə Quranın səsi müsbət təsir edir. Çünki, Quranın səsi insanın əsəb sistemlərinə səsləri müsbət şəkildə tənzimləyərək daxil edir və insana müsbət enerji verir.
3.Başqa bir araşdırmalar göstərir ki, hətta pəltək danışan insanlar üçün məxsus cihazlarda Quran ayələrini kəlmə-kəlmə təkrarladaraq və sonra da qısa həcmli ayələri məxsus avazlarla qulaq asdıraraq, insanın danışığının normallaşmağına müsbət təsir göstərmişlər.
4.Təhqiqatçı Kuing və onun həmkarları bir araşdırmanın nəticəsini belə bəyan etmişdir: Dini etiqad və inancı olan insanların, başqa insanlara nisbət, psixoloji solğunluqları daha az olur.
5.Təhqiqatçı Nikbəxt tərəfindən Tehran şəhərində xəstələrin cərrahiyyə əməliyyatından sonra Quranın səs və avazının xəstələr üzərində təsirinin araşdırması göstərmişdir ki, Quranın avazına qulaq asan xəstələrin ağrısı qulaq asmayan xəstələrə nisbət daha azdır.
6. Təhqiqatçılar Ənsari və həmkarlarının, Quranın səs və avazının psixoloji iztirab və solğun xəstələr üzərində araşdırmalarının nəticəsi göstəmişdirki, Quranın səs və avazı bu cür xəstələrdə daha çox müsbət və rahatladıcı təsiri var.
7.Təhqiqatçı Məcidi və həmkarlarının Quranın səs və avazının ürək-damar xəstələrinə cərrahiyyə əməliyyatından qabaq, Quran avazına qulaq asdırmışdır. Nəticədə, Qurana qulaq asanların həyəcanı daha az olmuşdur .
Başqa sahələrdə də, araşdırmalar göstərmişdir ki, Quranın avazı insana yüksək şəkildə müsbət təsir qoyur. Bu da, bir daha Quranın möcüzə, şəfa və rəhmət olmasına sübutdur. Əziz oxucular, gəlin birlikdə, Qurana daha yaxın olaq ki, ruh və cismimiz daha sağlam olsun!
Dr. Fariz Rəcəbov